Ruben, Janpaul y Annalisa é al cënt!

Data

29 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do da n ann de scora particolar, condizioné da stlütes y didatica a destanza, á i 22 studënc y studëntes dles Scores Altes da La Ila afronté l'ejam de stat. Ruben Ploner, Janpaul Piai y Annalisa Frenademetz s'á alzé fora y á ciafé 100 punc
Danter stlütes y leziuns a destanza, n'é l'ann de scora 2020/21 nia sté dër saurí, dantadöt por i studënc y les studëntes dles scores altes, che á passé mëisc alalungia a studié da ciasa, stlüc te na ciamena, dan n computer. Al ti é gnü tut la cuotidianité, i compagns y en general i raporc soziai. Mo impó ái messü se dé da fá – bunamënter ince deplü – y imparé döt le program, acompagná da insegnanc y insegnantes por chi che chësc ann de scora é ince zënz'ater sté na gran desfida

100 punc por trëi studënc
Daldöt nia saurida n'éra stada por i studënc y les studëntes dles cuintes classes, che á messü s'arjigné por l'ejam de maturité. 22 ê i candidac y les candidates dles scores altes da La Ila che á fat la Matura: 10 dl'ITE y 12 dl Lizeum (3 dl Lizeum dles Sciënzes Umanes y 9 dl Lizeum Linguistich). Trëi studënc s'á alzé fora y á stlüt jö l'ejam cun 100 punc. Ara se trata de Ruben Ploner, Janpaul Piai che á fat l'ITE y Annalisa Frenademetz che á frecuenté le Lizeum. 


Nos i ún contaté y ti ún fat na intervista, te chëra che ai nes á cunté de so ultim ann de scora alta y di proiec che ai á por le dagní. I podëis lí les intervistes tla ediziun stampada d'La Usc di Ladins da en vëndres ai 30 de messé.