Sentada dl Consëi Comunal de Mareo, le vëndres passé te salf dla Cassa Raiffeisen a Al Plan. Önesc i punc al ordin dl de, olache ara nen jô danter l’ater ince de n comun "a mosöra de familia". Bele ala fin de dezëmber 2020 â la Provinzia de Balsan cun l’assessuria Waltraud Deeg y l’Ajentöra dla Familia tut la dezijiun da mëte en pe le proiet "Familieplus – audit por comuns a mosöra de mituns, jogn y families", n prozes de analisa di comuns por valuté tan inant che ai é sön le tru da ti jí plü adincuntra ales families, sciöche ince svilupé mosöres nöies por ti rové plü dlungia a chësc travert. Por cherié l’audit, á la Provinzia stlüt jö na acordanza cun le Land Vorarlberg, olache chisc audit é bele plü dî na realté. Le proscim vare ê da chirí fora comuns pilot por porvé fora le prozes. Cotanc é i comuns de Südtirol che á fat domanda da podëi fá impara, mo ma dui é gnüs chiris fora. Un de chisc é le Comun de Mareo, olache le Consëi á al’unanimité dit de sce da tó pert.
Deplü sön la tematica, sciöche ince sön d’atres dezijiuns tutes dal Consëi, podëise lí t’La Usc di Ladins di 6 d’agost (pablo)
Mareo ó ester comun "a mosöra de familia"
Le Consëi de Comun á tut la dezijiun da tó pert al "audit por comuns a mosöra de mituns, jogn y families". N prozes che dess porté a löm ci che an fej bele y ci che an pó ciamó fá por che families se vires plü saurí
Galaria retrac
View the embedded image gallery online at:
https://www.lausc.it/valedes-ladines/val-badia/16635-mareo-o-ester-comun-a-mosoera-de-familia#sigProId0620982055
https://www.lausc.it/valedes-ladines/val-badia/16635-mareo-o-ester-comun-a-mosoera-de-familia#sigProId0620982055