L'Alta Badia tl video de Gabbani
Tl video dla ciantia "La Rete" de Francesco Gabbani vëgnel dant deplü localités dl'Alta Badia
Francesco Gabbani, ciantautur talian, á chirí fora l'Alta Badia sciöche localité por realisé na pert dl video de so singul nü »La Rete«, che é gnü fora ai 3 de setëmber ti radii y sön les plataformes digitales. Gabbani vëgn bele da tröc agn incá tl'Alta Badia en vacanza, sides d'invern a jí cun i schi co d'isté a jí cun la roda. Tratan chësc isté n'él indere nia ma gnü a fá sport, mo ince a tó sö na pert dl video de süa ciantia nöia dal titul »La Rete«. Danter i posć che vëgn dant tl video, chiris fora da Gabbani adöm cun le regist y fotograf Antonio Barraco, él le Dënt de Mezdí, öna dles pizes dl Sela, i pra de Störes, Lagació y i pra dl'Armentarola. Tl video fej le ciantautur n iade che pëia ia dala munt y che le condüj cina al mer. Le iade é na sort de metafer dla vita, che se desfira danter ligrëzes y dificoltés. Le video pón odëi a chësc link: https://BMG.lnk.to/FrancescoGabbani_LaRete_videoPR. (kp)
Galaria retrac
View the embedded image gallery online at:
https://www.lausc.it/valedes-ladines/val-badia/17060-l-alta-badia-tl-video-de-gabbani#sigProId006fa1a503
https://www.lausc.it/valedes-ladines/val-badia/17060-l-alta-badia-tl-video-de-gabbani#sigProId006fa1a503