Le camion ê pordërt bele da d’altonn dl 2020 te magazin di stödafüch y insciö ince a desposiziun por i intervënc. Finalmënter él spo iniann gnü l’ora da le lascé benedí, adöm a düc i atri injins y les mascins che é lassura. La festa é gnüda a s’al dé la domënia ai 12 de setëmber. Por chësta ocajiun é la mëssa gnüda tignida alaleria pro paiun da San Martin, olache le curat siur Heinrich Perathoner á benedí le meso nü. Al é n camion MAN cun la portada de 12.000 chili, fat sö dala firma Kofler-Fahrzeugbau da Lana. Al tol ite le post dl auto Chevrolet che ê bele gnü cumpré l’ann 1983. Tota dl auto nü é Manuela Zingerle.
Deplü sön la benedisciun dl auto y sües carateristiches particolares podëise lí t’La Usc di Ladins dl 1. d’otober
Foto: Marco Moling
Camion nü por i stödafüch
I Stödafüch da San Martin de Tor á albü le plajëi da lascé benedí n camion nü. N meso ponsé y studié por gní tut ca te intervënc de vigni sort
Galaria retrac
View the embedded image gallery online at:
https://www.lausc.it/valedes-ladines/val-badia/17219-camion-nue-por-i-stoedafuech#sigProId38276cc0dc
https://www.lausc.it/valedes-ladines/val-badia/17219-camion-nue-por-i-stoedafuech#sigProId38276cc0dc
