Puster y Val Badia: alcohol, droga y na pistola

Data

05 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tles ultimes nöts á i Carabiniers dla Compagnia da Bornech dé dant cin’ porsones y n’á segnalé döes por sostanzes proibides. Ince tla Val Badia él gnü tut döes patents
I Carabiniers dla Compagnia dá Bornech é stá atifs tles ultimes nöts sön la strada de Puster y dla Val Badia. Sön la SS49 de Puster él n ël de 37 agn gnü lëde dala patënt deache al é gnü abiné cioch al volann. Deplü é stades les infraziuns sön la SS244 dla Val Badia. N jonn de 28 agn bele conesciü ales forzes dl ordinn é gnü ciafé cun n canun de marijuana. Al ti é porchël gnü tut la patënt y al é gnü segnalé al Comissariat dl Govern. N jonn de 19 agn da Brescia é gnü abiné cun l’auto sön la statala dla Val Badia, mo al n’â mai ciamó fat la patënt. Al s’á porchël ciafé la sanziun preodüda dal codesc dla strada.
Sön la strada dla Val Badia éra jüda inant cun trëi jogn abiná cioc t’auto. Dui jogn de Mareo é gnüs lëdi dla patënt, mo deache ai n’â nia arjunt le limo de 1,5 g/l ái ciamó podü se tigní altamo l’auto.

Cocaina y na pistola nia "en regola"
N ël de 55 agn da Bornech é gnü tigní sö püch dalunc dla cité y i Carabiniers á ciafé 2,5 gram de cocaina. Les inrescides é jüdes inant te süa ciasa, olache i Carabiniers n’á ciamó ciafé 10 gram. La "marcianzia" é gnüda secuestrada. Pro l’ël á i Carabiniers ciamó ciafé fora che al â la lizënza da avëi na erma, che ti é sön chësta ince gnüda secuestrada. Madër che l’erma resultâ te n’atra abitaziun, ci che messass gní comuniché. Por chësc fat é l’ël ciamó gnü dé dant deache al n’â nia comuniché le barat de misciun, y implü deache al â cotan plü muniziun co che al â comuniché denant.


 (pablo)