980 fazorí te 4 chilometri

Data

06 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cis ala fin dl isté vëigon te nüsc bosc y dlungia i trus n gröm de fazorí de papier sciurá incërch, do avëi fat i debojëgns: tla Val de Mareo n’él gnü adöm feter mile, te püc km
Al pó sozede canche an vá sö por munt o a spazier, che an mëss fá i debojëgns. Tröc i fej do val’ trognora, ci che é ince da capí. Tres indô se lascia sö jënt por i escremënc di cians, mo en chësc iade salta tl edl i fazorí dla jënt.  Al é da desplajëi da odëi tan de fazorí che porsones lascia tla natöra zënza se fá bëgn pinsiers: do trognores, nia dalunc dai trus, val’ iade cinamai te tru. Dër "fantasiusc" me sá chi che i fracognëia y i ascogn tles sfessöres di lëgns (i vicí »ren­grazia«), o che i cür pro malamënter cun peres. Che al sides parch natural o nia, chël é anfat. Te mi caje sunsi jö cotan tla Val de Mareo y sö por Fodara y Senes, mo i me pënsi che altró ne fossera nia stada atra­mënter. Plü me parëntera da odëi i fazorí sciurá incërch te chi posć olache al foss defata n chibl dal ciomënt, olache chi dl parch natural á fistidié da arjigné toeletes aposta (p.ej. Fodara Masaronn), te chi posć olache la ütia da munt foss danman. Dan otedé m’ái fat na roda ite por la Val y les zifres fej morvëia. Te 4 km de tru él rové adöm 980 fazorí. An sá che ciomënt tira ciomënt: sce an lascia na tascia de refodam sön strada, pón sté sigüsc che püch dedô n’él ciamó d’atres. Y insciö éra ince cun i fazorí, pro chi che tol la natöra sciöche »toeleta« sot les stëres.  (pablo)