La Usc di Ladins

I 26 de ma 2019 é stada tla Val Badia na data che á rapresenté zacó na zesöra por la vita de dlijia. En chël de él gnü aministré por l’ultim iade le sacramënt dla Crejima aladô dla "metoda tradizionala", sce an ó ti dí insciö. Cina ciamó ciafâ i jonins le sacramënt dla Confermaziun tla pröma o secunda mesana, tan co cun 12 o 13 agn. Tl dagní sarára atramënter. Sön proposta dla Sinoda, â le Vësco dla Diozeja de Balsan/Porsenú Ivo Muser bele dl 2018 incundé che an orô jí n ater tru por la Crejima. Ó dí: aministré le sacramënt impormó da 16 agn insö.
Ai 21 y 23 de setëmber él sté a La Val döes sëres, olache al é gnü informé plü avisa co che ara vá inant cun le sacramënt, ci che se müda, co che an se preparëia. Por l’ocajiun él rové alerch Markus Felderer, diretur tl ciamp dla catechesa de nosta diozeja. I fistidi dles porsones por chësta mudaziun ne n’á nia mancé. I un contaté Annamaria Fiung, presidënta dl Consëi dla Unité Pastorala, che nes á dit deplü.

T’La Usc di Ladins di 8 d’otober podëise lí la intervista a Annamaria Fiung, che nes dij ci che se müda, co che an s’organisëia y sce an ne se tëm nia che tröc ne fejes nia plü la Crejima  (pablo)