La Usc di Ladins

I Ciüf é le tema dla ediziun numer 35 dla Maratona dles Dolomites, che é sön le program la domënia ai 3 de messé dl 2022. “Al é passé ma n valgügn mëisc dala ediziun dl 2021, mo i sun bele tl laur da se arjigné a na Maratona nöia, che sará ciamó plü bela deache ara é dedicada ala natöra y ai ciüfs”, á dit le presidënt Michil Costa. 8.000 sará i partezipanc che podará tó pert ala ediziun da n ater ann y les iscriziuns pëia ia le mercui ai 13 de otober. Sciöche dagnora podará i zilisć cerne i trëi percursc che se desfira tres i jus dles Dolomites, stlüc en chël de al trafich di auti. I jus gnará resservá ales rodes ince te d'atres döes ocajiuns: en le Sellaronda Bike Day, preodü ai 11 de jügn y ai 17 de setëmber 2022 y en le Dolomites Bike Day, che sará n ater ann ai 25 de jügn.  (kp)