Da en vëndres jarára debojëgn da avëi le Pass Vërt nia ma por lauré, mo ince por tó pert a manifestaziuns, cursc y ativités culturales, musicales y sportives.
Chi che n’á nia fat la variora á la poscibilité da fá le test
En vëndres ai 15 d’otober vá en forza tla Talia la lege che prevëiga na ligna de restriziuns cuntra le coronavirus. En particolar vëgnel porté ite le Green Pass, che mëss gní mostré sö por jí a lauré, mo ince por tó pert a tröpes manifestaziuns y ativités culturales, sportives y musicales. Por le Pass Vërt valarál la regola dles 3G, chël ó dí avëi fat la variora, avëi n test negatif nia plü vedl co 48 ores o ester varis da mez ann incá da na infeziun da covid-19. I comuns, deplü doturs y apoteches s’á insciö organisé por ti pité ala poscibilité ales porsones che n’á nia ciamó fat la variora da se lascé fá i tesć.
Tesć tl comun de BadiaTl comun de Badia él la poscibilité
da fá le test tla staziun »drive-in«, tla plaza da parché sot la scora elementara a San Linert le lönesc dales 9:30 ales 11.30, le mertesc dales 7:00 ales 9:00 y le vëndres dales 9:30 ales 11:30. I tesć vëgn fac sön apuntamënt. An pó se anunzié sön la plata internet dla Aziënda Sanitara. Tesć pón ince fá ti ambulatori di doturs Alberto Caretta a Pedraces y Martin Spechtenhauser a La Ila, sön apuntamënt.
Ti atri comunsTl comun da Corvara él la poscibilité da fá le test tl ambulatore dl dotur Guido Caretta. Ince la apoteca da Corvara pita chësc sorvisc, de lönesc, mercui y vëndres da doman dales 8:30 inant y domisdé dales 17:30 inant. I orars podess mudé. An dess se anunzié danfora tres la apllicaziun ApoFarmBZ.
Te Mareo vëgn i tesć fac tl ambulatore dl dotur Santonocito y an pó jí a fá le test ince tla apoteca d’Al Plan.
Variora en sabeda a PiculinEn sabeda ai 16 de otober sarál la poscibilité da se lascé vaziné a Piculin, tla sënta dl distret sanitar, zënza prenotaziun dales 8:00 ales 13:00. Al gnará partí fora i serums Pfizer y Johnson.
(kp)
