"Le Hochwieser" - n informatich dla pröma ora

Data

14 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Josef Hochwieser de Śocherle d’Al Plan á bele adora descurí süa pasciun por le tecnich y l’analitich, fajon la laurea de informatica canche i computers ê ciamó debli y "primitifs". Intratan ál fat na gran strada y laora a Ulm pro la Airbus. I un albü l’ocajiun da s’la cunté impara
Ponsun zoruch a chi tëmps olache le computer n’esistê nia ciamó, olache i monitors ê ciamó a blanch y fosch, olache l’internet y le smartphone n’ê gnanca ciamó te nosta imaginaziun. Rodunt te chëstes condiziuns á metü man da studié informatica Josef Hochwieser d’Al Plan. Nasciü l’ann 1964 sön le lü de Śocherlé, ál fat les scores d’oblianza te so paisc nadé, por jí spo a fá le lizeum scientifich a Bornech. Atira dedô ál fat n ann de scora profescionala, mo é spo rové a studié tla Technische Universität da Viena. Iló él ciapé ite tl ciamp dla informatica. Bele tratan i stüdi ál ince metü man da lauré pro la Siemens AG dl’Austria sciöche colaboradú tecnich y á spo stlüt jö i stüdi cun le diplom da injenier de informatica. Al ê un di pröms de nosta valada y é tosc deventé un di majeri esperc de chësc vers. I me recordi ince iö che canche ara falâ pro mi pröm computer, spo cherdân pa scialdi "le Hochwieser".
Do i stüdi á Josef insigné n ann cunc tla scora mesana y 4 agn cunc y informatica tla scora alta da La Ila. Lapró fajôl de vigni sort de proiec de informatica. L’ann 1994 ál ciafé la proposta da jí a lauré a Ulm, olache al á lauré tröc agn sciöche profescionist lëde. Sëgn él pro la impreja internazionala de aviaziun Airbus, olache al laora sciöche architët de sistems. Ci che Josef Hochwieser fej plü avisa te so laur, co che al é rové pro l’informatica y ciodí che al n’á nia n smartphone, é ma n valgönes domandes che i un albü l’ocajiun da ti fá.

La intervista podëise lí t’La Usc di Ladins di 15 d’otober  (Intervista: Pablo Palfrader)