La Usc di Ladins

Bele da pice möt âi te me na gran ligrëza y coriosité por le monn dl sport. La sozieté de chël tëmp ne savô nia ciamó dër ci che le sport ê. Döt mët man tl altonn dl 1963, canche Willy Clara dl maester inaugurëia le lift nü s’Antermëia. Un di pröms dla Val Badia, te chi tëmps êl val’ de sensazional y de morvëia.
La pista da laota n’ê nia tan bela arjignada sciöch chëra d’aldedaincö, deache al n’esistî nia la nëi artifiziala y platorada gnôra o cun i schi un cun na sort de rulo che gnô rovenü da dui schiadus. Val’ iade rovâl sot ite la piza di schi che gnô spo gonot graciada ia.
Insciö metôi ince iö man da porvé da jí cun döes brëies de lëgn ch’i â ciafé. Chëstes foss stades 2 schi. Laota êl n pü’ d’atri materiai co aldedaincö. Mia ligrëza ê pö tan grana che i â tosc imparé da gní jö por la pista. Le problem ê che chëstes brëies s’imbalâ sot ite pornanche la nëi ê n püch mestia. La sora soluziun ê chëra de sté chit y ti la crazé jö. Implü messâi i bagné ite t’ega cöta almanco un n iade al’edema por ti storje dansö la piza. Al ê n laur nezesciar che ê da fá por podëi pratiché chësta disciplina.

Les atres recordanzes interessantes de Oswald Prada, dales tröpes gares de schi cina ala pasciun por le palé amatorial, podëise lí t’La Usc di Ladins di 22 d’otober