I Stödafüs d’Al Plan é zënza parores. Ai 8 de setëmber incër les 12:45 él sozedü n fat desplajor. Döes ëres á rot ite te magazin di stödafüch y é stades bunes da arobé scioldi por incër 1.000 euro. I Stödafüs scrii sön Facebook: "Les forzes dl ordin nes á perié da aspeté cun la publicaziun, cina che al ê gnü valuté dötes les registraziuns dles cameres che é sön teritore comunal. Les döes ëres, intrames cun manëces fosces da ciasdafüch, mascheroc y ruchsoch á foré incër 20 menüc alalungia ti armá dal guant y te ofize". Sciöche dit, éres ince rovades pro scioldi che i Stödafüs á dailó. Ai scrii inant: "Sön les telecameres él tler da odëi sciöche les döes ëres se tocia ia i scioldi. (...) Da s’un jí áres incunté porsones che passâ dailó. Baldi n’unse nia podü ciafé fora chëstes porsones, che podess nes dé les informaziuns dezisives. Al vuegn sospeté che les döes ëres s’ais tigní sö plü dî a Al Plan, bonamënter por lauré. Do les prömes informaziuns de n ostí, é les döes ëres gnüdes odüdes plü gonot te paisc."
I Stödafüs prëia la jënt do informaziuns:
- cun messaje privat sön Messenger
- tla staziun di Carabiniers d’Al Plan al 0474 501031
- pro le comandant di Stödafüs 331 6168298
- anonimamënter tla cassëta dla posta di Stödafüs (pablo)
Al Plan: döes lotres te magazinn di Stödafüs
Döes ëres é jüdes a d’arobé te magazin di Stödafüs d’Al Plan. Jënt che podess savëi valch, é periades da dé informaziuns
Galaria retrac
View the embedded image gallery online at:
https://www.lausc.it/valedes-ladines/val-badia/17454-al-plan-doees-lotres-te-magazinn-di-stoedafues#sigProId496c894cfd
https://www.lausc.it/valedes-ladines/val-badia/17454-al-plan-doees-lotres-te-magazinn-di-stoedafues#sigProId496c894cfd