La Usc di Ladins

Le trafich sön strada é n problem che an sint te nüsc paisc cotan tratan le tëmp de sajun, suradöt d’isté. Por porté altamo n pü’ de alisiraziun, án iniann tl Comun de Corvara fat n esperimënt tl ciamp dla mobilité. Dai 17 de jügn ai 5 de setëmber é sté en funziun le "Corvara – Calfosch Express", n pice bus por ghesć y jënt dl post, che rodâ dales 8 da doman cina ales 7 da sëra danter Corvara y Calfosch. Le bus ê debann y â le fin da sensibilisé la jënt da adoré deplü i mesi publics por s’armöie tl comunt, zënza tó ca l’auto por vigni picia destanza. Dopró pón dí che la pröma esperiënza é stada dër buna. Chësc dij l’assessur comunal ala mobilité Stefano Pezzei, che ti é sté do al proiet. A d’ël ti unse damané tan de porsones che á anuzé le bus, de ci vers che an ó porté inant le proiet y sce an pënsa ince da tó ite les dites de trasport dl post.

La intervista cun l’assessur Pezzei ciafëise t’La Usc di Ladins di 22 d’otober.  (pablo)