La Usc di Ladins

L’ann 2021 foss pordërt sté ann de Jeunn, mo an sá che an á messü sburlé la prozesciun por gauja dla situaziun cun la ria coia. Bele iló êl gnü incundé che la prozesciun foss gnüda sburlada al 2022. Le massá de Jeunn Lois Taibon da La Pli ti á inier mené fora na comunicaziun al degan siur Iaco Willeit, ai proi dla valada y a düc i redadus dles plates dla ploania, por comuniché che al é gnü fissé les dates che la prozesciun gnará fata. Plü avisa jarán en Jeunn dai 2 ai 4 de jügn. An piará ia porchël la jöbia ai 2, de de festa nazionala, por gní zoruch la sabeda ai 4, vëia de Pasca de Ma.  (pablo)