Variora Covid, le malan y Santa Maria

Data

17 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Danter les tröpes teories incër la pandemia che roda nia ma tla Val Badia él ince chëra che le Covid foss n castighe de Dî o de Santa Maria, y che tla variora fossel le malan. Ci nen pënsa pa siur Paolo Renner?
La situaziun dla pandemia dl Covid mët le monn intier dan da desfides nöies. De un n vers messunse ciaré da ti ester manëcia sciöche umanité intiera, de l’ater vers messunse ti ester manëcia ince nos a livel individual. Chiló mini le tentatif y le sforz da porvé instësc da cunvire cun la situaziun, te nosta vita da vignidé. Zacô él vignun che proa por se instës da se dé na spligaziun, da chirí n significat por döt chësc. Spligaziuns che vá te direziuns dër desvalies. Al n’é de chi che se dá respostes scëmples y refodëia le virus dijon che al n’é nia, al n’é d’atri che loghenëia düc i morc, ciamó d’atri che l’arata na invenziun "dl sistem" por nes sotmëte y nes condüje tla ditatöra. Ci che ne mancia nia tla palëta dles spligaziuns, é l’aspet religius, che á porté flus tan vedles co corioses. Öna de chëstes: la pandemia é castighe de Dî o de Santa Maria. Na verjiun che an alda porater tres indô ince te nosta valada, cis en referimënt ala variora. De mëndri grups sostëgn che cun la variora nes vëgnel sprinzé ite le malan, che la variora nes porta ala mort, che la variora é la cherta sigüda por l’infern.
Nos sun jüs a damané do pro siur Paolo Renner, conesciü y aprijé ince te nosta valada desco reladú. Ël dij tler: "Da cristiagn messunse dër dessigü mëte de na pert cun dezijiun la logica dla maratia sciöche castighe divin".

T’La Usc di Ladins di 19 de novëmber podëise lí na intervista interessanta cun siur Renner, olache al nes dij süa minunga sön la pandemia y ci che al nen pënsa dla variora. Lapró nes cuntel ci che al nen dij sce al alda che Santa Maria desconsiass da fá la variora y nes ess mené cinamai le chefer dla scorza.  (Intervista: Pablo Palfrader)