La Usc di Ladins

Tröc é i audit y les zertificaziuns che pó gní arjuntes da nüsc comuns. Öna dles plü conesciüdes é chëra de "ComunClima", olache i un ala pert danter l’ater i comuns de Badia y Corvara. Al é spo ince la zertificaziun dorata nöia "Family Plus – vire familia", metüda en pe dal’Ajentöra dla Familia dla Provinzia cun le sostëgn dl Land Vorarlberg. Ara se trata de n prozes de valutaziun, olache ara nen vá da analisé plü avisa tan che i comuns é "a mosöra de familia" o ci che ai pó fá por l’ester deplü. Le Comun de Mareo á bele iniann de messé tut la dezijiun da tó pert a chësc audit sciöche comun pilot. Cun chësc mëis de novëmber é ince le Comun da San Martin ala pert.

I nen un baié cun l’assessuria Martina Verginer. Deplü podëise lí t’La Usc di Ladins di 19 de novëmber  (pablo)