Cun les intenziuns dla Provinzia podessel suzede che p.ej. restoranc tl comun de Badia mësses stlü dales 18:00, y che chi a Corvara podess tigní davert cina les 22:00.
I odarun chisc dis co che la politica dles restriziuns jará inant – a livel provinzal de Südtirol, y a livel nazional.
Incö é la inzidënza di 7 dis tla Val Badia indöt de 218, te Südtirol de 406.
Comun por comun ciárera fora insciö:
Badia – inzidënza de infeziuns nöies ti 7 dis: 371
Corvara – inzidënza de infeziuns nöies ti 7 dis: 146
Mareo – inzidënza de infeziuns nöies ti 7 dis: 158
San Martin de Tor – inzidënza de infeziuns nöies ti 7 dis: 343
La Val – inzidënza de infeziuns nöies ti 7 dis: 71
Tl comun da La Val bastel ma bele 1 na infeziun nöia ti ultims 7 dis por registré na inzidënza de 71. Chësc ejëmpl mostra sö coche chësc criter é fora de schedra: ajache maiú che la spersa geografica (cun de conseguënza plü abitanc) tuta ca por le cunt é, plü bassa che la inzidënza é. Chësc sistem de calcolaziun vëgn dai Todësc ite, olache al vëgn tut ca i "Landkreise", ci che corespogn plü co ater a nüsc comprensori (comunités de val) co a nüsc comuns!
(Iaco Rigo)
La inzidënza di 7 dis tla Val Badia
De chësc vers é sëgn i dac positifs. La Provinzia oress partí ite por le tëmp che vëgn les restriziuns parziales y detaiades aladô dla inzidënza di 7 dis, y chësc comun por comun
Galaria retrac
View the embedded image gallery online at:
https://www.lausc.it/valedes-ladines/val-badia/17832-la-inzidenza-di-7-dis-tla-val-badia#sigProId65c0dedc72
https://www.lausc.it/valedes-ladines/val-badia/17832-la-inzidenza-di-7-dis-tla-val-badia#sigProId65c0dedc72
