Do che al é gnü a s’l dé ti agn passá na erojiun sota de na pert dl Rü de Ciamplorët, á l’ofize competënt metü a jí i laurs de sistemaziun cun na mosöra de prescia. I laurs á metü man de jügn sot ala coordinaziun de Sigisfredo Moling y reverda la costruziun de barieres de consolidamënt nöies y mürs de proteziun. Implü él ince gnü ressané n toch danajé da na smöia. Indöt él gnü partí sö i laurs te cater loc, por na soma de 250.000,00€ por vigni intervënt. Fat án ince ciamó d’atri laurs pro le rü.
Laurs él ince gnü fat tla localité da Verda da La Ila, olache al é sëgn gnü stlüt jö i intervënc por dortoré i paralovines desdrüc dl 2018 dala tempesta "Vaia". Indöt él chiló gnü investí 570.000,00€.
Val’ deplü podëise lí t’La Usc di Ladins di 26 de novëmber