La Usc di Ladins

La "somënza" é gnüda dal paisc da Lungiarü, canche an á d’Advënt dl 2019 invié la jënt dl paisc da inforní la "finestra da Nadé", cun le fin da pité na iluminaziun da Nadé particolara, lisiria y ince de significat. La idea á descedé ligrëza y aprijamënt, tan che l’Advënt dedô él sté chi da La Val che á invié la jënt da inforní finestres, cherian insciö n calënder d’Advënt che se slariâ fora por döt le paisc. Chësc podarán aprijé ince en chësc ann, olache al é ince le Consëi de Formaziun da Corvara che fej n vare de chësc vers, cun n calënder d’Advënt che inforniará la calonia tl zënter de paisc. Dal 1. ai 23 de dezëmber gnarál impié daimproía na finestra cun i motifs che n grup de ëres á fat deboriada, tratan che le motif final sará na particolarité. 

I podëis lí deplü sön l’iniziativa t’La Usc di Ladins di 26 de novëmber  (pablo)