Sanité y bëgnester: dala scolina cina ala scora alta

Data

26 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L'Intendënza dles scores ladines mët da jí tröc proiec te düc i degrá de scora, dala scolina cina les scores altes. Ara se trata de proiec che á da nen fá cun la sanité, mo ince cun le movimënt, l'alimentaziun, la sozialisaziun y cun la dërta adoranza di mesi digitai. I nen ún baié cun le responsabl y organisadú di proiec, Emanuel Gravino
Mobilité, movimënt, sozialisaziun, alimentaziun, sessualité y adoranza di media digitai: chisc é ma n valgügn di argomënc y temesc protagonisć di tröc proiec che vëgn inviá ia dal'Intendënza tles scores ladines. Ara se trata de tematiches che vëgn tres plü importantes tl monn d'aldedaincö; n monn olache la scora ne pó nia ma plü trasmëte conescënzes, mo olache i insegnanc y les insegnantes vëgn confrontá cun la gran desfida da ti porté dant ai mituns y ales mitans co afronté les dificoltés dla vita. Porchël ciaron, tres i proiec che vëgn metüs da jí tles scores, da ti dé tres plü pëis ala sanité y al bëgnester, ai sentimënc y ales emoziuns por ti jí incuntra le miú che ara vá la realté d'aldedaincö. Na realté dominada dai social media, che condizionëia tres deplü la vita de nos gragn, mo che röia tres plü adora pormez ince ai mituns y ales mitans. Insciö á bele tröc scolars y tröpes scolares de cuarta y cuinta elementara le smartphone – y n azes plü o manco lëde a internet y ai socials – scebëgn che ai vëgnes dër desconsiá cina i 13 agn. Propi porchël él dër important da intervegní y da prevegní, sciöche Emanuel Gravino, responsabl dl ofize por l'educaziun ala sanité y ala mobilité sotrissëia: »Scebëgn che i ún la gran fortüna da vire te na realté particolara, n pü' atramënter respet a co che ara é tles cités, na realté olache al é ciamó na cultura dl sport y dl movimënt, él important da ti jí pormez ai mituns y ales mitans bele sëgn, tres proiec che á sciöche fin chël dai eduché ala sanité y ince a na dërta adoranza di media digitai.«

Deplü podëise lí tla ediziun stampada che vëgn fora incö, vëndres ai 26 de novëmber. 
 (kp)