741 variores partides fora a La Ila

Data

29 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dal mercui al vëndres dl'edema passada él gnü daurí n zënter vazinal jödapé dl lift de Piz La Ila. Gran é sté le suzes dla iniziativa metüda da jí da Dolomiti Superski adöm cun la Aziënda Sanitara, cun bëgn 741 doses partides fora tratan i trëi dis
Passa 700 porsones s'á metü en coda le mercui, la jöbia y le vëndres dl'edema passada jödapé dl lift de Piz La Ila, nia por jí cui schi, mo por ciafé la variora. Ai ne s'á nia lascé sprigoré dal gran frëit y á anuzé dla oportunité pitada da Dolomiti Superski adöm cun l'Aziënda Sanitara, en colaboraziun dl'Assoziaziun Turistica Alta Badia y Alta Badia Brand. Indöt, tratan i trëi dis, él gnü partí fora 741 doses: de chëstes ê 170 prömes doses, 17 secundes doses y 554 doses booster. Ara se trata de n resultat confortant, dij i organisadus y i operadus turistics, en particolar te n momënt tan zite, al scomenciamënt dla sajun da d'invern. Sëgn é le fatur Rt tl'Alta Badia de 0,9. Por podëi mantigní chësc valur sot le 1 fossel bun che le numer di vaziná foss almanco dl 80%, porchël vëgnel ciamó n iade invié chi che n'á nia ciamó fat la variora da se lascé vaziné y da tigní ite les regoles por evité che le virus pois se slarié fora: se vistí le mascherot, mantigní les destanzes y se lavé y/o dejinfeté gonot les mans. Ma cun le sforz y la colaboraziun de düc podará chësta sajun turistica garaté.  (Comunicat Stampa ATAB/kp))