Usc y trombëtes ressona indô…

Data

29 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do feter dui agn de ativité dër limitada, á le Cor de dlijia da La Val indô tigní la festa de Santa Zezilia
Al plü tert canche les possaunes y les trombëtes á lascé ringhiní so bel sonn da festa danter i mürs dla gran dlijia da La Val, adöm ales usc moscedades dl cor, se á bëgn vignöna y vignun ponsé: Ci bel! Chësc unse bëgn albü mancia te chësc ultim tëmp… Y de facto, al é bele oramai dui agn ca, da canche les ciantarines y i ciantadus dl cor de dlijia á podü se abiné düc adöm por cianté deboriada. En la festa de Santa Zezilia éra finalmënter indô n iade stada tan inant: en chësc iade indere nia sön dessura, coche an é ausá, mo partis sö fora por les proches á i ciantadus abelí la funziun liturgica cun melodies da festa. La Missa brevis en Es de Heinrich Walder, surastant dla Musiga sacrala tl Südtirol, acompagnada da n grup de stromëc a fle, á descedé nia ma ti ciantadus y ti stromentalisć instësc, mo ince te döta la comunité emoziuns sotes y plajores y á recordé i bi tëmps, olache le fá musiga deboriada te grups ê na normalité.
La festa de Santa Zezilia é ince stada l’ocajiun por surandé valgönes onoranzes y do mëssa án tigní la sentada generala cun lîtes.

Deplü podëise lí t’La Usc di Ladins di 3 de dezëmber