La Usc di Ladins

L’ann nü ti portará ai zitadins dl comun da La Val bindebó de novités por ci che reverda la racoiüda dl refodam. Cina ciamó éra regolada insciö che les porsones y families da La Val n’á degun chibl dal ciomënt che vëgn desgort edema por edema. An â da jí te Comun a se do i sac vërc y chisc podôn spo dé jö ti dui posć de racoiüda tl raiun Plans y a Pidrô – 7 dis al’edema, 24 ores sön 24. Insciö sozedôra baldi ince che al gnô sciuré de vigni sort d’ater che ne tocass nia, ince sac che n’ê nia chi dl Comun. En teoria podôl ince gní jënt da foradecá a sciuré refodam. "Al ê porchël gran ora da cambié valch", dij l’assessur responsabl Felix Nagler, che á presenté en vëndres dan otedé le sistem de refodam nü, che piará ia cun le 1. de jená 2022. I zitadins y les zitadines ciafará na cherta cun chëra che ai podará desgorje le ciomënt de rest te n container a presciun automatich, döt a Pidrô.

T’La Usc di Ladins di 3 de dezëmber podëise lí la intervista al assessur Felix Nagler, che nes á dit deplü sön ci che se müda y ci che se mudará plü inant  (Intervista: Pablo Palfrader)