Advënt y Nadé cun i Kyrios

Data

30 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I Kyrios á realisé deplü videos musicai por acompagné la jënt tratan l'Advënt, cina Nadé 
I pröms sëgns, che al foss garaté valch de particolar, ân bele odü i dis denant sön la plata Facebook di Kyrios. Y insciö él en domëna, la pröma d'Advënt, gnü publiché le pröm di cin' videos che le cor á realisé por acompagné la jënt tratan chësc tëmp, cina Nadé. »La gran vëia y orenté da fá musiga deboriada – ince tl tëmp dla pandemia - y da abelí l'Advënt nes á dé l'impuls por ti dé vita a chësc proiet. Al é sté debojëgn da se arjigné ca danfora y da ponsé a valch che s'ess adaté a chësta situaziun nia saurida por i cors y por les uniuns en general. L'idea é de nosc presidënt Elvis y le conzet y le plan organisatif é spo gnüs laurá fora deboriada, te n cört tëmp, por podëi mëte man bele a mez otober cun les proes«, nes cunta la dirighënta dl cor Julia Frenademez. I ciantarins y les ciantarines é gnüs insigná jö, les proes é gnüdes fates tla Ciasa dles Uniuns J.B. Runcher a Badia, sambëgn tignon ite dötes les mosöres y les disposiziuns che le tëmp dla pandemia se damana. Le cor é gnü acompagné da musizisć, en particolar da Jasmin Rives cun l'erpa; l'audio é gnü tut sö da Benni Valentin y les imajes da Marco Moling. Indöt él gnü fat cin' videos: un por vigni domënia d'Advënt y un por Nadé. I videos gnará publicá sön la plata internet di Kyrios sön les plataformes YouTube (kyriosbadia), Facebook (KYRIOS) y Instagram (kyrios.badia). I videos vëgn ince mená inant tres Whatsapp por les porsones che n'é nia scrites ite sön les plataformes online.

Le video dla pröma domënia d'Advënt podëise odëi a chësc link: https://www.youtube.com/watch?v=ANPp90AxUNY   (kp)