I pröms dis de jená é ince te nosta valada sot al sëgn di Trëi Rêsc. Porvia dla situaziun sará l’aziun n iade implü condizionada y alüsc atramënter. I rêsc ne podará nia ite tles ciases, mo podará ma sté dan porta a dí sö le fersl y porté la benedisciun cun la buna noela de Nadé. Insciö él sté valgünes ploanies che á renunzié da jí ciasa por ciasa, ince deache al ess comporté plü dificoltés. A vigni moda vëgnel tigní l’aziun de spënores, cun chëres che la "Jungschar" dl Südtirol - portadëssa dl’aziun - sostëgn ann por ann chi 100 proiec de solidarieté. L’aziun da iniann mët n edl particolar sön la Romania, olache an é jüs tla cité de Sighetu Marmatiei, söl confin cun la Ucraina. Les families
davagna püch y stënta da ti pité a sü mituns na vita da sté saurí. Dui ordins de ëres catoliches se dá jö cun mituns de vigni confesciun. Tl convënt dles monies benedetines vëgnel fistidié por 35 mitans y mituns dla scolina, incër 70 mitans y mituns dla elementara y mesana, plü 20 studëntes. Nia dalunc él n ater convënt che acompagnëia 70 mitans y mituns, sciöche ince de na desëna de studëntes. Te intrames les strotöres araton important da sostegní mitans y mituns d evigni confesciuns.
Chiló podëise ti ciaré al film che presentëia le proiet:
https://youtu.be/s33qu1sJdAALes spënores por daidé pó gní fates diretamënter pro i rêsc, olache ai roda, o zënza te dlijia pro les mësses che les ploanies á comuniché (olache an ciafará ince l’incënsc por benedí la ciasa) y nia inultima ince online, clican sön chësc link
https://spenden.twingle.de/katholische-jungschar-sudtirols/aktion-sternsingen-2022/tw6138acbc61f29/page (pablo)
