Fostüs de n ann tla Val Badia

Data

05 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na retrospetiva sön i avenimënc che i un podü documenté tla Val Badia tratan le 2021
Ince tl ann 2021 él sozedü n gröm de fac y avenimënc che i un albü l’ocajiun da documenté ince t’La Usc di Ladins. Na racoiüda en cört podëise ciafé tla ediziun di 7 de jená, olache i fajarun sciöche i atri agn na picia retrospetiva, te chëra che ara ne nen vá dî nia ma de Covid, sciöche an podess s’imaginé.
Le 2021 é sté n ann cun plü mesdefüch, sciöche chël pro le Salares da San Ciascian ai 21 de merz. Al é sté n ann cun valgünes corëtes dl tëmp, sciöche la gran graniada a Corvara y le chefer dla scorza ti bosch. Al é sté n ann cun na desgrazia te munt i pröms dis dl ann, mo ince cun plü porsones jüdes en lovina che se l’á por fortüna cavada... alüsc feter por miraco.
Sambëgn él ince sté le secundo ann cun le virus, che á lascé tomé fora daldöt la sajun da d’invern y che á polarisé cis por ci che reverda la variora, cun situaziuns de trica te plü strotöres soziales. Al é ince sté n ann de dezijiuns y inaudaziuns, sciöche le paiun da San Ciascian o la plaza dal sport a Calfosch. Al é sté l’ann dl no de Badia ai Mondiai y dl sce ala Cooperativa Turistica tl’Alta Badia.
Por fortüna ne n’ál nia mancé musiga y cultura, che á porté danter l’ater la "Musiga ladina te plaza" a La Pli o le Soundwave Project a La Ila. Le cërtl "Somonzes" á scinché ert y cultura a La Pli, danter l’ater cun la premiaziun dl Pest Angelo Trebo. Tla valada án odü na ediziun nöia de SMACH y n dizionar nü unse ince podü pié do. Trëi uniuns á festejé sü iubileums torogn. Tla vita de dlijia é siur Stefano Trevisan pié ia tles misciuns y les cöres á albü les lîtes. Sön Senes él rové le cardinal Walter Kasper y a Kortsch él gnü benedí n monumënt a Merch da Sotrú.
Le sport completëia le cërtl cun n titul mondial tla liösa, suzesc söi schi y de gran straciaries cun suzes tl monn dl Spartan Race.

Chësc y deplü podëise lí do chësc vëndres ai 7 de jená tla ediziun nöia de La Usc di Ladins.

 (pablo)