Al vëgn la poscignara... y i Carabinieri

Data

11 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Burta sorpresa por na ëra d’Al Plan che s’â vistí sö por jí a fá la poscignara, la dunacia.
Chëra dla poscignara, o dla dunacia sciöche an dij tl’alta valada, é pordërt na tradiziun plü vedla te nüsc raiuns. Te na forma dër originala vëgnera cuntada tl liber dles tradiziuns de Lois Trebo, olache n berba d’Al Plan cunta de chë burta vedla, che abitëia te chi bosc sura Ciamaur sö y laora cun le malan. I dis de Santabogna o Santaguania tlocorëiera pro porta, vëgn ite cun n gran cestun y damana sce al é de ri mituns da se tó para. Sce bëgn, i condüjera te bosch y i fej lauré, cun ma n past su al de.
A vigni moda: la tradiziun dla poscignara é cun i agn bel plan n pü’ jüda a perde. A Al Plan él ciamó na ëra che se tol la bria ann por ann da se vistí sö, spo vára a ciafé compagnes y compagns, storj pro te val’ botëga o hotel por la coriosité di ghesć. Chësc ára ince fat iniann, cun conseguënzes n pü’ manco plajores.
Sozedüda ésera dan cater dis, canche ara s’â vistí sö y â metü man da rodé... impröma a Longega, spo a Al Plan te plü posć. La poscignara gnô ite, scutâ bela chita y scoâ n pü’ incërch, lascian zoruch na ciuchelada sciöche recort. Dô ester storta pro te val’ post, é la poscignara ince jüda sö por plaza de paisc, olache al ê nia dalunc na familia de ghesć che ti ciarâ cun morvëia. Lapró ince n möt che se temô pordërt n pü’. Al raugnâ, metô cuaji man da pité. Porchël á la poscignara ponsé bun da ne ti jí nia pormez y jí inant so tru. Defata dedô s’ára ciafé na burta sorpresa. Tlafinada êl n auto di Carabiniers da Bornech che ti jô pormez y la tignî sö. Ai â ciafé na segnalaziun...

Ci che i denunzianc ti tirâ dant ala poscignara y co che la storia é jüda a finí, podëise lí t’La Usc di Ladins di 14 de jená.  (pablo)