La Usc di Ladins

Le Skirama Plan de Corones, consorz dles sozietés di lifc incër la munt dai schi, ciafa n diretur nü, tla porsona de Thomas Reiter da Bornech. Thomas Reiter á 31 agn y é sté responsabl de marketing pro la lataria da Porsenú Brimi. Sëgn tolel ite le post de Andrea Del Frari, che ê rové pro le Skirama Plan de Corones dl 2006 y é spo sté i ultims agn diretur. Reiter á tröc agn de esperiënza tl setur managerial y dl marketing. Te so percurs de stüde ál stlüt jö la laurea de economia aziendala pro la Università degli Studi de Verona. "I ne vëighi l’ora da afronté chësta desfida nöia. I á n team dër motivé, che á te chisc agn lauré cun gran suzes. Plan de Corones é dötaurela öna dles belijies tl setur turistich dl Südtirol y un di motors economics plü importanc. I sun nasciü tla Val de Puster y i sun brau da podëi comerzialisé mia tera nadé", dij Reiter.  (pablo)