La Usc di Ladins

Feter düc i ciamps dla sozieté s’un sint cotan por la situaziun y les conseguënzes dla emergënza sanitara. Nia atramënter n’éra pro la dlijia, che s’á ciafé bindebó de dernada por ci che reverda la partezipaziun. Chësc deache al é de un n vers i posć limitá tles dlijies, dl ater vers deache jënt s’á dejausé da jí a dlijia o ne vá scemplamënter nia plü. Cun chësc taca indere ince adöm le fat che al vëgn chirí "spëisa spirituala" altró, tla esoterica, te de mëndri grups. Ince tla Val Badia él grups che se dij catolics cun posiziuns dër rigoroses y fondamentalistes, che se destaca dala oferta dla comunité de cöra.
Nia inultima sinton tres deplü la mancianza de proi. Cun la mort de siur Franz Sottara él gnü na gran locia a La Val, ci che á sforzé da straihé mësses a La Val y Badia.
Inscioma: desfides te vigni piz por la dlijia locala. Cun siur Iaco Willeit, degan dla Val Badia, unse baié dla mancianza de fedei, di grups alternatifs che é bele en pe, dles dificoltés da curí les funziuns liturgiches y nia inultima dles spënores che é gnüdes cotan demanco.

La intervista podëise lí deplëgn t’La Usc di Ladins di 21 de jená 2022  (Intervista: Pablo Palfrader)