La Usc di Ladins

Al dess ester sté n soldá roman, gnü copé por avëi manifesté la fede cristiana.
San Bostian vëgn veneré dër tröp y sot da süa mort incá tla Dlijia Catolica y Ortodossa.
Al ê nasciü dl 256 a Narbona y mort a Roma dl 288.

Tröpes é les rapresentaziuns dl martire roman te nostes dlijies y fora por le monn cristian. I atribuc che le jonn á te pitöres y scultöres é les saítes forades te so corp umilié.  (Iaco Rigo)