Trëi Resc: passa 40 mile euro tla Val Badia

Data

23 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’aziun di Trëi Rêsc é ince iniann stada condizionada dala situaziun. Impó él gnü adöm na bela spënora, ince sce cotan mëndra co i atri agn.
Dit damperfora: al é na bela gran soma che jará a bëgn di plü püri. 40.683,59€ é na gran spënora che é rovada adöm iniann te nosta valada por l’aziun di Trëi Rêsc. Sce an confrontëia indere cun l’aziun dan dui agn, él passa 30 mile euro demanco. Le fat n’é sambëgn nia che la jënt á ciafé plü la varizia. Al é na conseguënza che l’aziun é tla maiú pert dla valada ma gnüda tignida te dlijia, olache al é posć limitá y olache al é ince manco jënt che vá. Ma te trëi ploanies é i Rêsc jüs a porté la benedisciun dan les portes de ciasa, deache an ne podô iniann nia jí daite: plü avisa a Antermëia, San Martin y La Val. Antermëia á abiné adöm deplü co dan dui agn y insciö ince tl paisc da San Martin de Tor. A La Val él gnü ite n pice pü’ demanco co i atri agn, mo a vigni moda tres na soma ciamó dër alta.

T’La Usc di Ladins di 21 de jená podëise lí co che l’aziun é gnüda organisada, te ci proiec che i scioldi vá y tan che al é gnü ite te vigni ploania, cun n confrunt cun i ultims dui agn.





 (pablo)