Les "leghermes" davagna

Data

22 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Sö por la strada prinzipala d’Al Plan él da odëi ince iniann la "mostra d’ert a tëmp", garatada tres le festival internazional de scultöres tla nëi. Davagné á na scuadra taliana
L’edema passada ti á la Cooperativa Turistica Al Plan/San Martin dé vita al festival dles scoltöres tla nëi, rové oramai a süa 31ejima ediziun. La iniziativa vëgn desfirada deboriada cun l’assoziaziun turistica da Sanciana, olache al é ince sté chisc dis la premiaziun dles scuadres.
Dai 12 ai 14 de jená é i artisć dla nëi n iade stá a Al Plan de Mareo, olache ai á por trëi dis alalungia sié, ziplé, rafé y limé te n gran cadrel de nëi drucada adöm. Ci che ai á fat adinfora é na morvëia y ince n abelimënt plajor por le zënter dl paisc. Por via dla situaziun atuala á en chësc ann tut pert ma scuadres europeiches, plü avisa da Germania, Inghiltera, Lituania y Svezia. Sambëgn n’á nia mancé la Talia, che á tut pert cun trëi scuadres – danter chëstes ince öna cun i studënc dla Scora de lauraziun dla pera da Laas. Y na scuadra taliana á ince arjunt le majer aprijamënt dl publich: la opera di taliagn Pietro Germano, Moreno Togni y Giar Lunghi, che á ziplé la scoltöra "Tears", che rafigurëia leghermes de mosöres desvalies.

T’La Usc di Ladins di 21 de jená podëise ince odëi i retrac di atri davagnadus.  (pablo)