Plan de Corones á slüt la sajun en domëgna, ai 24 d’aurí 2022. Respet ala sajun dai schi (l’ultima entiera) 2018/19 él gnü registré en picio manco dal 2,3%. Moserenn con la sajun 2019/20, slüta tomperida ai 10 de merz, á cösta sajun porté cinamai en plü de 12,2%.
Le consorz dai schi de Plan de Corones dij t’en comunicat stampa ince che le numer dla pröma registraziun dai schiadus (le pröm pîps co dá löm vërda a en ticket) é jü zoruch respet ala sajun 2018/19 dal 15%.
"I podun ester dër encontonc con l’andamont de cösta sajun", ensciö Thomas Reiter, recordenn che la sajun â motü man con trepes malsüghertés por la pandemia.
La novité tecnica de cösta ultima sajun é stada la cabinovia Valdaura1+2 co é jüda por le pröm iade d’invern. Con na capazité de 3.900 porsones al’ora.
(Iaco Rigo)
Na sajun feter da récord
Do 149 dis de sorvisc á le carosel dai lifc de Plan de Corones slüt ia la sajun da d’invern: con en +12,2% respet ala sajun 2019/20, rota ia a bonora (ai 10 de merz) dal Covid–19
Galaria retrac
View the embedded image gallery online at:
https://www.lausc.it/valedes-ladines/val-badia/19407-na-sajun-feter-da-record#sigProIde8d20236dd
https://www.lausc.it/valedes-ladines/val-badia/19407-na-sajun-feter-da-record#sigProIde8d20236dd