La Usc di Ladins

Maratona y benefiziënza. N binom che vëgn a s’al dé vigni ann danü, olache an ciara da sostigní proiec concrec de solidarieté, a bëgn de porsones manco fortunades. Pro chësta 35ejima ediziun ne sarára nia atramënter. En mercui ai 5 de ma dales 18:00 inant sarál la poscibilité da cumpré sön les sit www.maratona.it döt adöm 400 iscriziuns a n prisc de 250,00€ l’öna. La soma che gnará ite, jará a bëgn dl’emergënza umanitara tl’Ucraina.
La Maratona instëssa gnará a s’al dé la domënia ai 3 de messé, olache le comité laora bele dassënn por lascé garaté n evënt sciöche al toca y ince indô cun le program de cornisc, che â messü gní sferié demez l’ann passé por gauja dla pandemia.  (pablo)