Dan da trëi agn êl gnü la sëra denant 10 cm de nëi, tai ultimi dui agn él sté le Covid co á motü i bastuns danter les rodes. Ensciö n’ésera trëi agn alalungia nia jüda da tigní la bela prozesciun de San Florian, con Stödafüs y comunités d’Al Plan y d’La Pli. En domëgna ai 8 de ma ésera endere endô stada tan ennant. Ales 8:30 é piades ia les prozesciuns da dlijia demez demez, por jí adöm con corps de Stödafüs, totes, ghesć d’onur y autoritês devers la picia fraziun da Curt. Empröma él sté la prozesciun con dui vangeli fora por Chi Coi da Curt, olache an á ince benedí le tomp y perié che la man de Dio straverdi i paisc da rogossies, tompiades y mesdefü. Sön plaza dla vila él spo sté la mëssa alaleria, zelebrada dal ploan signor Klaus Sottsas, y acompagnada dla Musiga d’Al Plan sot la direziun de Georg Plazza, con i sonns dla "Europa Messe" de Franz Nagel, aranjada da Karl Safaric.
Eniann él por düc i corps de stödafüs de Mareo en ann iubilar: chi da Rina complësc 50 agn de vita, chi d’La Pli y d’Al Plan podará entrami festejé le iubileo de 125 agn.
Deplü sön la festa podëise ciafé t’La Usc di Ladins di 13 de ma (pablo)
Do trëi agn endô San Florian a Curt
Danter nëi y Covid êl trëi agn che al ne gnea nia plü fat te Mareo la prozesciun de San Florian con i stödafüs. Eniann ésera endô garata
Galaria retrac
- Dertan la prozesciun fora por Chi Coi da Curt. (© Pablo Palfrader
- La dlijia da Curt é dër liada a San Florian, patrun dai Stödafüs. (© Pablo Palfrader)
- I Stödafüs se mët sön tru por jí cuntra ciasa. (© Pablo Palfrader)
View the embedded image gallery online at:
https://www.lausc.it/valedes-ladines/val-badia/19526-do-trei-agn-indo-san-florian-a-curt#sigProId4228b4d753
https://www.lausc.it/valedes-ladines/val-badia/19526-do-trei-agn-indo-san-florian-a-curt#sigProId4228b4d753