L secont Statut de autonomia: 50 agn

Data

14 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Südtirol, sia jent y i storics da dalonc y daimprò se dà ju en chest ann plu avisa con la storia y l svilup dl Statut de autonomia che atoca ence i Ladins (nia demé chi dles valedes de Gherdeina y Badia). Prejentazion de n numer spezial dl EJM (European Journal of Minority Studies) a Bulsan, con la prejenza dl coordinadour dl projet prof. Paul Videsott, l president dla Provinzia y si vize Arno Kompatscher resp. Daniel Alfreider, y doi di autours de contribuc importanc: l politich y espert de dert europeich Karl Zeller y l storich Walter Obwexer
Undesc esperc de Südtirol y dl’Austria ova tout su l invit da pert dl Istitut sudtiroleis di grups etnics (en curt "SVI", che stà per "Südtiroler Volksgruppen-Institut") da scrì n articul de analisa, aprofondiment y interpretazion de contegnus (en gran pert normatifs) dl secont Statut de autonomia, clamé enscì per les mudazions y ajontes sostanziales che al portova defrunt al prum Statut de autonomia dl 1948. 
Anter i esperc él ence da ciafé l avocat Franz Complojer con l capitul "L Statut de autonomia dl 1971 dal pont de veduda di Ladins", olache al vegn cialé a la storia intravaieda che antizipeia l Pachet y l Statut dl 1971 che ti dà per l prum iade do la Vera na nominazion degna y importanza a Ladines y Ladins.
Con l prof. Paul Videsott, diretour dl SVI y coordinadour dla publicazion nueva EJM s’l’onse conteda.

Liéde do tla edizion nueva de La Usc di Ladins!