Ciasa dl Parch: Biodiversité y n concurs de dessëgn

Data

15 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 2 de ma é les ciases di parcs naturai piades ia tla sajun nöia da d’isté. Tla Ciasa Fanes–Senes–Braies a Al Plan pîton danter l’ater na mostra sön la biodiversité y n concurs de dessëgns
Les ciases di parcs naturai de Südtirol é indô davertes. Insciö ince la Ciasa dl Parch Fanes–Senes–Braies a Al Plan. Dlungia la mostra permanënta él iniann da odëi ince na mostra sön la biodiversité.
La vita söla tera á na gran varieté: dala varieté genetica ala richëza de sorts, cina ala varieté di habitac y ecosistems. La biodiversité fej fora la particolarité de nosc planet y é la condiziun por nosta vita. Al é n tesur prezius, che é dër al prigo a livel global. Mai ciamó n’él mort fora tan de sorts de plantes y tiers sciöche aldedaincö! La mostra inviëia a ponsé do sön l’importanza y belëza dla biodiversité.

"Depënj la varieté dla vita"
Tl spirit dla varieté y dla biodiverisité é ince le concurs de dessëgns che la Ciasa dl Parch á organisé deboriada cun le Zënter Families Mareo. "Depënj la varieté dla vita" é le titul cun chël che mitans y mituns dla scora elementara y mesana é inviá da se dé jö y da realisé ince n dessëgn aladô, depenjon la richëza de sorts, de corusc, de ciüfs y insec, de habitac, tiers y sües plantes. I dessëgns pón dé jö ciamó cina ai 20 de ma tla Ciasa dl Parch a Al Plan.

 (pablo)