Le patrozine de San Florian é por i corps de stödafüch le de da rengrazié por ci che á buté y por perié do l’aiüt dal Alt canche an vá ti intervënc. Al é ince gonot le de che ai anüza por presenté y benedí mesi nüs. Insciö éra stada iniann por i Stüdafüch da La Val, che á inaudé n injin olache an s’aspeta ince zacó n "aiüt dal alt", mo sot a n ater aspet. Ara se trata de na drona, moderna y al’avanverda, dotada cun la tecnologia plü nöia. Cina ciamó i Stödafüch da Porsenú. Ara dess daidé dantadöt pro catastrofes naturales, canche al é da jí a chirí porsones o canche al é da se fá n cheder plü complet sön le post d’intervënt.
Deplü ti unse damané al comandant Daniel Vallazza y al responsabl dl grup "drones" Philipp Miribung. I podëis le lí t’La Usc di Ladins di 20 de má, olache ai nes cunta ince ciodí che la drona dess ti oghé ai iagri. (pablo)
"Aiüt dal alt" por i Stödafüch da La Val
En San Florian al 1. de ma á i Stüdafüch da La Val lascé benedí na drona de generaziun nöia
Galaria retrac
- Tratan la benedisciun sön plaza de dlijia a La Val. (Foto: Ludwig Sottara)
- La drona di Stüdafüch da La Val. (Foto: Stüdafüch La Val)
View the embedded image gallery online at:
https://www.lausc.it/valedes-ladines/val-badia/19598-aiuet-dal-alt-por-i-stoedafuech-da-la-val#sigProIdfdfc87797c
https://www.lausc.it/valedes-ladines/val-badia/19598-aiuet-dal-alt-por-i-stoedafuech-da-la-val#sigProIdfdfc87797c