Motors straufá
Cun la bela sajun crësc le trafich sön i jus. En domënia á i Carabinieri y la polizia dl comun da Corvara fat deplü controi sön Frara y Ciaulunch. Set é i motoziclisć che é gnüs straufá
En domënia ai 15 de ma s'á i Carabinieri y la polizia dl comun da Corvara metü sön strada por fá controi y garantí la segurëza sön les strades de Frara y Ciaulunch, dui jus che vëgn tratan la bela sajun suraciariá dal trafich de auti y dantadöt de motors. Le control é gnü fat cun le fin da »garantí la regolarité dl trafich, prevegní inzidënc, tutelé la segurëza y smendrí le incuinamënt acustich«, sciöche al stá scrit scrit tl comunicat mené fora dai Carabinieri. Indöt él gnü archité sö 28 mesi, de chisc êl 21 motors. Partí fora á les forzes dl ordin set multes, danter l'ater por le crabal y por ezes de velozité. (kp)
Galaria retrac
View the embedded image gallery online at:
https://www.lausc.it/valedes-ladines/val-badia/19601-motors-straufa#sigProIdfdc979e179
https://www.lausc.it/valedes-ladines/val-badia/19601-motors-straufa#sigProIdfdc979e179