285 iagres y iagri nüs tl Südtirol

Data

18 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Surandá i diploms a aspirantes y aspiranc por i ejams dla seziun 2021. 80 iagres y iagri é jüs a se tó i diploms tla Scora forestala Latemar
Ala zerimonia á tut pert dlungia al assessur provinzial ala silvicoltöra Arnold Schuler ince le diretur dla Repartiziun di bosc Günther Unterthiner, le diretur dl Ufize ciacia y pëscia Luigi Spagnolli, le presidënt dl’Assoziaziun iagri:es de Südtirol Günther Rabensteiner, le presidënt provinzial di sonadus dl corn da ciacia südtirolesc Andreas Pircher, y le presidënt dla comisciun d'ejam da ciacia Andreas Agreiter.
L’ann 2021 éra indô jüda da tigní i ejams, do n ann 2020 stlüt por Covid–19. L’ejam da iagher/gra é metü adöm da na proa de teoria (por scrit y a usc), na proa pratica da stlopeté y n curs da jí a ciacia (o practicum) y de pröm aiüt de almanco cater ores. 
Di 176 candidac iscric tl 2021 á 144 passé l’ejam scrit y 135 spo la proa finala.
Tl 2021 s’á presenté al ejam de ciacia bëgn 241 candidac: de chisc á 194 passé le quiz y 179 l'ejam a usc final. 363 candidac dl bienn á podü fá la proa da stlopeté, 290 de chisc á toché positivamënter por arjunje le diplom.