La situaziun dl Covid é atualmënter dër bona. I numeri dla jënt che á le Covid é dolarata basc y ince les porsones che á dassënn le Covid é dër püces. Al röia tres ciamó alerch te spitol porsones che vëgn spo ciafades positif al Covid; chësc ó dí che la maratia é tres ciamó incërch, ince sce ara é por la maiú pert dla jënt scialdi lisiera. La jënt che á zënza problems de sanité, é dagnora ciamó al prigo y mëss mëte averda. Sce i confrontun cun i tëmps passá, sunse sëgn veramënter tla situaziun da podëi dí:
View the embedded image gallery online at:
https://www.lausc.it/valedes-ladines/val-badia/19611-adincunta-a-na-sanite-da-doees-classes#sigProIdc48867d0e8
https://www.lausc.it/valedes-ladines/val-badia/19611-adincunta-a-na-sanite-da-doees-classes#sigProIdc48867d0e8
Tl ospedal da Bornech vëgnel al momënt frabiché dassënn, danter l’ater por renové düc i salfs dles operaziuns. Frabiché vëgnel ince nia dalunc a San Iöre, olache al gareta na clinica privata. D’atres cliniches privates renforza ince l’ativité de retlam, deache ares vëiga che tla sanité publica él da aspeté tres plü dî. Junse pa dl vers de na medejina da döes classes, olache chi che ó n tratamënt asvelt, mëss avëi scioldi o na assiguraziun aladô?
Sëgn che la medejina publica á sües dificoltés, vëgnel sö cliniches desco fonguns. La medejina privata pó ince avëi so post por cosses nia dër granes; por ci che reverda les patologies pesoces, sciöche maraties croniches, crebesc o d’atres, n’é la medejina publica nia da ponsé demez. Y spo él pormó da odëi olá che al é la bona cualité. La medejina publica te Südtirol á dër na bona cualité, ince sce les listes de speta é dër altes. Sëgn sunse tl laur da les lauré jö. Iö sun n sostegnidú dla medejina publica, ciodiche i arati che vigni porsona ais le dërt da ciafé l’assistënza che al adora. An ne pó porchël nia lascé pro che al vëgnes ma plü fat tratamënc privac, por la jënt che á na buna assiguraziun. Iö speri veramënter che i ne junse nia cuntra na medejina da döes classes.
T’La Usc di Ladins podëise lí döta la intervista al dotur Marco Pizzinini. Cun ël unse baié dla dernada che le Covid ti á dé al sistem sanitar publich, dles dificoltés da ciafé personal y dla "concorënza" dla sanité privata.
(Intervista: Pablo Palfrader)
Sëgn che la medejina publica á sües dificoltés, vëgnel sö cliniches desco fonguns. La medejina privata pó ince avëi so post por cosses nia dër granes; por ci che reverda les patologies pesoces, sciöche maraties croniches, crebesc o d’atres, n’é la medejina publica nia da ponsé demez. Y spo él pormó da odëi olá che al é la bona cualité. La medejina publica te Südtirol á dër na bona cualité, ince sce les listes de speta é dër altes. Sëgn sunse tl laur da les lauré jö. Iö sun n sostegnidú dla medejina publica, ciodiche i arati che vigni porsona ais le dërt da ciafé l’assistënza che al adora. An ne pó porchël nia lascé pro che al vëgnes ma plü fat tratamënc privac, por la jënt che á na buna assiguraziun. Iö speri veramënter che i ne junse nia cuntra na medejina da döes classes.
T’La Usc di Ladins podëise lí döta la intervista al dotur Marco Pizzinini. Cun ël unse baié dla dernada che le Covid ti á dé al sistem sanitar publich, dles dificoltés da ciafé personal y dla "concorënza" dla sanité privata.