La Usc di Ladins

L’ispiraziun é valch ch’an pó ciafé indlunch, al basta madër tigní edli y cör daverc por se dé jö para. Na racoiüda de poesies é n ejëmpl concret de ci che pó nasce da pinsiers sön le iade. A Timo Craffonara, n jonn maester creatif, ti éra jüda insciö: metü man ál da scrí tl secundo ann de stüde, te bus, tratan che al jô ia Porsenú y indô ca. "Te bus odôi chi berbesc y chës mëdes che ciarâ intoronn o da finestra fora, tratan che i jogn ne ti metô gnanca averda, deache ai ascutâ musiga", dijel. "Spo n iade m’al ái n püch ciacolada cun n te berba y a ël ti ál salpü beliscimo da partí cun me sü recorc de vita", cunta l’autur. Insciö ál spo zedü da ascuté musiga y metü man da ciaré ince ël da finestra fora, da se fá n valgügn pinsiers che al á spo trascrit. Dedô ál spo sambëgn ince scrit poesies fora de bus. Sëgn él danman so pröm liber de poesies, che porta le titul "TE BUS". Al vëgn presenté ai 28 de ma dales 17:30 sön plaza da Rina.

Tl Ciantun dla Uniun t’La Usc di Ladins di 20 de ma podëise lí deplü sön le liber y sön co che l’autur vëiga la poesia.