Ert se mostra

Data

24 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I studënc dl Ginase artistich a Bornech á daurí deplü esposiziuns cun laurs fac te plü agn, tl parch Tschurtschenthaler y ti locai de scora. I laurs é da odëi cina ai 27 de ma 2022
Les professuries y i professurs dla scora alta tlamada en cört "SowiKunstGym", menada dala direturia dra. Isolde Maria Künig, á acompagné la racoiüda y la presentaziun di laurs che pó gní partis ite te deplü categories: dal guant dessegné y taié pro al lëgn y al’arjila, dal portré dessegné (grafica)  ala scultöra... Les tecniches dl’ert é spësses, i stii é tröc, y la conzeziun filosofica dla personalité che fej i laurs é ampla. Jones y jogn instësc á orü ti dé l’inom "sometimes I wish that I could freeze the picture" (datrai me aodi da podëi dlacé ite le cheder). Val’ categories arjigna ca jones y jogn a monns olache l’ert y le design é por tradiziun aplicaziun: tla estetica y cosmetica (tla moda), ti scenars de spetacui y teater, te abelimënc de parëis y ince aredamënt.
Tröpes jones y tröc jogn, ince dles valades ladines, á tres plü interes da cerne chëstes scores altes dedicades al’ert y design: dlungia a Gherdëna, Fascia y Ampëz, pita da plü agn ince Bornech chësta poscibilité.