Teater criminal... cun cör sozial

Data

03 de messel 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La cëna cun teater metüda a jí a Corvara á albü n bel suzes. Y le Consëi de Formaziun á podü suradé de beles spënores a assoziaziuns che dëida jënt da chiló
Jí a cëna y ti ciaré deperpo al teater, o jí a teater y se gusté deperpo na buna cëna. Anfat co che an ó la oje: chësc ê a vigni moda le fin dla serada organisada dal Consëi de Formaziun dl Comun de Corvara le vëndres ai 27 de ma. Sön paladina dl salf Franz Angel Rottonara da Corvara él gnü porté dant le teater criminal "En forma por tres".
La serada á ince albü n tonn de solidarieté. Düc i colaboradus, dala rejia ai jobleri cina ai coghi á metü a desposiziun so förtl debann. I scioldi dl’entrada é insciö jüs a fin de bëgn. Cun gran ligrëza á le Consëi de Formaziun podü mené inant spënores de 2.460,00€ indöt. En chësc iade án orü daidé la jënt de nüsc raiuns che á debojëgn. Insciö i él jü 1.230,00€ porom al proiet "Cörs dla Val Badia", sciöche ince al "Bäuerlicher Notstandsfond". Spënores che se mirita n Giulan che vëgn dal cör.  (pablo)