La Usc di Ladins

Le laur é sté tröp y lunch cina sëgn, mo les sodesfaziuns pro le grup de laur y les comisciuns desferëntes recompensëia döt cant. Le liber ará chës 1000 plates, al tol ite dlungia ala pert dles oraziuns fondamentales por ladin y dles tröpes cianties, ince na seziun taliana y na seziun todëscia. Ince les ores, i öspi y i salms de maiú adoranza te dlijia y familia é da ciafé tla publicaziun nöia.
Le maiú azënt tla composiziun generala ti vëgnel dé al fin y ala funziun che chësc liber nü dess ciafé: ruvé tles dlijies, ciases y families te tëmps che s’un sintiará dla ciarestia de proi.
La presentaziun dl "Laldun le Signur" nü é preodüda por en Santa Maria Imacolada, ai 8 de dezëmber 2022, a Badia.