La Usc di Ladins

Sce an curfa tl internet y chir sö tla Talia la porsona plü vedla cun sindrom de down, spo röion pro zifres desfarëntes. N iade él n ël de 72 agn dlungia Treviso, n iade n ël de 75 agn dla provinzia de Cuneo. Les zifres se müda, mo la tendënza é tlera. Na porsona down che arjunj passa 70 agn é na picia gran sensaziun.
Ince la medejina á intratan fat vari da gigant. I agn dl Trënta â les porsones down na aspetativa de vita de ma 9 agn, i agn Cincanta – scrî le foliet »La Repubblica« – êl ma le 27% dles porsones down che passâ ia i 20 agn. Aldedaincö arjunjai na eté mesana de 62 agn. Döt chësc nes dij che i un ince tla Val Badia na bela noela da incundé: Heinrich Tschaffert dl Cësta da La Val com­ plësc chësta sabeda ai 6 d’agost la bela eté de 70 agn. Ince ël á le sin­ drom de down y toca porchël pro i plü vedli dla Talia. Danter les porsones che ti fajará les aodanzes sarál sambëgn i sü de familia, y insciö ince Zilia Pescosta Tschaffert, che s’á maridé sö dal Cësta y é deventada süa secunda »mama«. Intratan ciarera lapró bele da 45 agn incá. Por nos êl de bunes ocajiuns por jí a i ciafé.

Les mius aodanzes fajunse ince nos, y t’La Usc di Ladins di 5 d’agost podëise lí val’ deplü sön süa vita 







 (pablo)