»I proi vëgn impröma fora dles families, spo fora de sacrestia«

Data

07 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cun i pröms d’agost ne sarál nia plü te düc i paisc dla bassa Val Badia la mëssa vigni domënia. I un baié de chëstes mudaziuns cun le ploan siur Klaus Sottsas, che baia di prighi dla comodité, dla mancianza de cherdënc plü co de proi y dl’importanza dla familia sciöche pröma coa por na fede sintida y viüda
Siur Klaus, cun i pröms d’agost brancia te plü ploanies dla bassa valada de gran mudaziuns. En sostanza vëgnel a s’al dé la realté de na situaziun che an pordica bele da agn, no pa?
Avisa, al é da agn ch’i dijun che chësta situaziun vëgn, che i proi vëgn tres plü a mancé. Al gnará la situaziun desch’al vëgn preodü dla Diozeja, chealémaplünploanporlabassa Val Badia y un por l’alta valada. La cossa é gnüda sëgn dër concreta y i gnun ince metüs n pü’ ala proa co che i stun cun nosta fede. I me pënsi che al sará ince orenté de Chël Bel Dî da nes dé n pü’ de scassada. I ên ausá da avëi vigni domënia la mëssa. Sc’i tolun indere Rina o Antermëia, ésera ma plü vigni chinescdé, mo ince por Al Plan y La Pli cambiel orars. Chësc ó dí che sce iö chiri la mëssa, mëssi m’orienté aladô che ara vëgn pitada.

Cina dan da püc agn êl cuaji na »sura–oferta« de mësses. Smendrî pa chësc n pü’ la valüta dl’Eucarestia, ênse massa malausá?
Al ê zënzater na gran comodité, olache i podô dí: i me chiri fora chëra che me büta le plü. Sëgn mëssi planifiché por la mëssa, i mëssi ti dé lerch al momënt che me vëgn pité.

Por val’ porsones él bele sté na spordüda che al n’é plü degun prou te paisc. Tan maiú éra sëgn sce al n’é gnanca plü dagnora mëssa la domënia...
I savun atira da dí: po co vá pa chësta, ci n’él pa dla comunité? Mo al ne vëgn dit nia che....

....döta la intervista cun siur Klaus podëise lí t’La Usc di Ladins di 5 d’agost.














 (Intervista: Pablo Palfrader)