Mi iade te n monn nia conesciü

Data

09 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Impresciuns y sensaziuns de mia pröma esperiënza a n torné de "gaming". Atmosfera da stadium, danter n publich apascioné mo pazifich, lié da na pasciun che se sleria fora tres deplü
Savëise ci che "IEM Cologne" é? Sce nia, ves consolëii che iö n’ê cina dan da püch nia metü damí. "IEM" stá por Intel Extreme Masters y "Cologne" por la cité de Köln, olache al é sté dai 15 ai 17 de messé les finales de un di tornés plü importanc de "gaming" – de jüc sön computer. Soghé gnôl a "Counter Strike: Global Offensive", o CS:GO por chi che s’un capësc fora. Por la fá scëmpla, se tratera de n jüch olache döes scuadres de terorisć á da se combate sön scenars (mapes) desvalis y mëss ciaré da davagné o fá fora i aversars.
Chësc jüch, sciöche tanc d’atri, á miliuns de jogn apascioná sura döt le monn. Ai passa ores y ores dan computer, sogan cun porsones da piz a ciantun dla tera. Geniturs che á mituns tl’eté adolescenziala sá de ci che i baii y conësc forsc ince les discusciuns zënza fin.
Danter i apascioná toca ince mi dui mituns; tó pert a n te torné dal vi ê por ëi sciöche jí al stadio por d’atri. Impede co jí al Meazza de Milan o al Olimpico de Roma, sunse mefo tla Lanxess Arena de Köln. Chi che se tlama tl palé Ronaldo, Messi o Boateng, é tl gaming "S1mple" (propi scrit insciö), "Karrigan" o "Twistzz". I ves cunti chiló val’ impresciuns dër personales, de n monn che i ne conesciô nia y che á descedé te me na certa morvëia.
Al é vëndres incër la öna domisdé che i rovun dan l’arena de Köln. Scebëgn che al é n iade ma i cherc de finala y les portes deura impormó n’ora dedô, él bele na coda lungia che aspeta. Milesc é i jonins che ó s’assiguré n post por odëi plü bel. Tröc á indos les malietes de süa scuadra dl cör y sis é les scuadres che ti á fata da rové tan inant: 18 ê bele tomades fora denant. Les scuadres porta inoms sciöche "Natus Vincere (NaVi)", "Astralis"; "Team Liquid" o "FaZe Clan". Pro vigni scuadra él 5 jogn danter 20 y 30 agn cun so alenadú. Organisaziuns por davëi, cun n management iadedô, sponsorisades dales marches plü conesciüdes che vëgn dal monn di computers y dl gaming. I sogadus é por i "gamers" tan conesciüs co i ciantauturs por i apascioná de musiga.
Y spo rovunse finalmënter t’arena...

Ci atmosfera ch’i á odü y ciafé y l’impresciun che ara m’á lascé, podëise lí t’La Usc di 12 d’agost  (pablo)