Corusc a öre de Roland Moroder

Data

11 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En vëndres ai 12 d’agost él tl salf dl Istitut Ladin a San Martin de Tor la vernissaja dla secunda mostra da d’isté – na personala de Roland Moroder da Urtijëi. Da odëi él dantadöt operes realisades cun corusc a öre
"Ara ne jiss mai da trá adöm 50 agn de laur te püces risses", dij Roland Moroder. Y al á rajun, deache les tecniches porvades fora y i sogec rafigurá te chësc tëmp lunch é dër desvalis, ince sc’ai é liá da somianzes figuratives y vëgn adorá sciöche meso da ti dé espresciun a sentimënc intims y manires de sintí. L’artist gherdëna é dessignadú, decoradú, depenjadú, afrescadú y scoltur, mo te chësta mostra ál orü mëte fora sües operes de corusc da öre, che tol ite odüdes y retrac.
La mostra vëgn daurida en vëndres ai 12 d’agost tl salf dl Istitut Ladin. Ara sará daverta cina ai 28 d’agost, dales 10:00 ales 12:00 y dales 15:00 ales 19:00.

Deplü sön la mostra ciafëise t’La Usc di Ladins di 12 d’agost  (Danila Serafini)