La Usc di Ladins

Por le bun funzionamënt de n gran evënt mëssera stimené cun n gröm de cosses: l’organisaziun pratica, la tecnica o la logistica é ma n valgönes de chëstes. Y por che les cosses garetes spo ince indortöra, él na componënta che an ne pó nia plü ponsé demez. I baiun di volontars... chës porsones che mët a desposiziun debann so tëmp, so förtl y süa pasciun por curí de vigni sort de sorvisc. Nia atramënter n’éra pro la gara de Copa dl Monn de Plan de Corones, olache al é sö por jö 350 porsones che dëida para volontariamënter. L’ultima sabeda de messé á le Comité d’Organisaziun cun a ce Danny Kastlunger organisé na festa ma por ëi. Na ocajiun por ti mostré reconescimënt y ti dí n "Iolan" scrit gran por le gran aiüt che ai dá y renovëia ann por ann. Le travert ê che ai podess se passé n bel de deboriada, te n’atmosfera löcra y s’la lascé jí bona. Insciö s’án abiné da misdé sön Piz de Plaies, olache al é sté por düc n program rich y plajor.

Deplü t’La Usc di Ladins di 12 d’agost.  (pablo)